28/11/2023 10:38:00

Campamento destinado a nenas e nenos de 3 a 14 anos, desde o día 26 de decembro ao 5 de xaneiro, de luns a venres, de 9:30 a 14:00 horas. Prezo, 30 €, nen@s empadroad@s subvención de 15 €. Máis información tel. 981 793 001, inscricións no formulario https://forms.gle/8dJyrfgp44JYMXr89.

23/11/2023 14:19:00

Hoxe os traballadores e traballadoras do Concello e a veciñanza de Irixoa reuníuse para conmemorar o Día Internacional para a Eliminación da Violencia contra as Mulleres. Moitas graza a todos/as participantes.

23/11/2023 13:06:00

A empresa encargada de realizar a inspección de maquinaria agrícola comunicou novas datas asignadas a este concello. Ampliase un día, polo que as datas serán: 26, 27, 28 e 29 de decembro, en horario de maña, de 9:00 a 13:30 horas, e de tarde de 15:15 a 18:00 horas (agás o venres 29 que non abrirá pola tarde). Cita previa no tél. 902 30 90 00 ou na web www.sycitv.com

Bando correcto

21/11/2023 11:44:00

25N Día Internacional da eliminación da violencia contra as mulleres

O Concello de Irixoa súmase o movemento de repulsa contra as violencias exercidas contra as mulleres. Este xoves, 23 de Novembro ás 12 horas, levarase a cabo unha concentración diante do Concello onde os veciños e veciñas poderán demostrar o seu apoio e solidariedade ás vítimas así como o seu rexeitamento ante estes actos de violencia. Nas dependencias de Servizos Sociais do Concello de Irixoa haberá unha pancarta onde todos e todas os participantes poidan deixar os seus mensaxes de apoio e rexeitamento dende o día 23 ao 30 de Novembro. Entregarase material conmemorativo a todos/ as participantes.

17/11/2023 13:27:00

Os días 27, 28 e 29 de decembro estarán no campo da Feira de Chao da Viña a unidade móbil para a inspección de maquinaria agrícola. As persoas interesadas terán que pedir cita previa no tel. 902309000 ou na web www.sycitv.com

Bando ITV

17/11/2023 13:27:00

Excursión a Vigo para ver a iluminación navideña o día 2 de decembro, saída desde o Concello ás 11:00 horas. Prezo de 40 €, as persoas empadroadas terán unha subvención de 20 € polo que terían que pagar 20 €. Inclúe comida, transporte e guía. Máis información e inscrición ata o día 29 de novembro, tél. 981 7930 01.

15/11/2023 12:27:00

A Deputación da Coruña pon en marcha a campaña neve para o 2023 na estación de Valgrande-Pajares destinada a rapaces/zas de 12 a 15 anos. O Concello de Irixoa ten adxudicadas 3 prazas. Os participantes desfrutarán de 4 días con aloxamento e manutención, nun albergue a pé de pista, contarán con cursos de esquí e actividades complementarias na estación. Cada participante abonará unha cota de inscrición de 85€. O prazo de inscricións esta aberto ata o 1 de decembro mais información no telf. 981 793 001

Cartel

Folla de inscrición

06/11/2023 13:38:00

O Concello convoca a solicitude de cesión de composteiros a veciñanza para unha mellora da recollida de lixo. As persoas interesadas poderán solicitar un composteiro desde o día 2 ao día 22 de novembro, ambos incluídos. Analizadas e valoradas as solicitudes procederase posteriormente ao reparto de composteiros. Os veciños que xa teñan recibido ou solicitado un composteiro noutras convocatorias non poderán reiterar a solicitude. Máis información e solicitudes na casa do Concello ou no tel. 981 793 001.

Forumulario de solicitude participación

Bando

06/11/2023 13:35:00

Ábrese o prazo para participar no VI Concurso de postais de Nadal. O prazo de presentación de postais será do 6 ao 24 de novembro, no Concello de Irixoa de 9:00 a 14:00 horas, o por correo postal (xunto co formulario) a Concello de Irixoa, Pazo de Irixoa, 6, 15313, Irixoa. Haberá 3 categorías: de 3 a 5 anos. de 6 a 8 anos. de 9 a 12 anos. Haberá un premio de un vale regalo de 70 € en cada categoría. Máis información TEL. 981 793 001, www.irixoa.es.

Forumulario de solicitude participación

Bases VI Concurso de postais de Nadal

02/10/2023 12:39:00

Reunións Espazos da Familias Espazos das familias, antigo Preescolar na casa, e un espazo de encontro semanal para nais e pais con crianzas menores de tres anos para debatir sobre eucación, e compartir tempos e espazos lúdicos cos/cas fillos/fillas. Se queres participar faremos unha reunión de presentación na Biblioteca Pública Municipal o día 9 de outubro ás 17:30 horas.