Novas

VII RUTA CABALAR

VII Ruta Cabalar que se realizará no Chao da VIña con horario de saída ás 10:30 horas e chegada aproximadamente ás 14:00 horas para xantar. As persoas interesadas terán que anotarse antes do día 11 de agosto no Concello, tel. 981 79 30 01, tamén poderán comprar os tiquets da comida consistente en polbo, churrasco, pan, viño, café e postre con un coste de 20 €.

 
CAMPUS FÚTBOL

Dentro das actividades do verán este ano temos o I Campus de fútbol para nen@s de 6 a 14 anos que será do 5 o 9 de Agosto, En horario de 10 a 14h. No que faremos fútbol e moito máis. O prazo para inscribirse remata o 1 de Agosto

Cartel Informativo

 
Charla informativa "Dano cerebral adquirido"

O martes 6 de Agosto, ás 11.00 horas, terá lugar na Biblioteca Municipal a celebración da charla informativa sobre Dano Cerebral Adquirido. Falaremos das causas que producen o ICTUS, as formas de Prevención e o modelo de atención e Rehabilitación dos doentes. De balde.

cartel charla Dano cerebral adquirido

 
ACTIVIDADES DE VERÁN 2019

O Concello de Irixoa realizará diversas actividades para todos os públicos durante o verán. Ofertamos actividades como Aquapark ou senderismo, e actuacións na Biblioteca Municipal e un curso de inciación á informática. Máis información e inscicións no Concello de Irixoa, tel. 981 793 001.

Cartel actividades

 
Actividade: Inicio á Informática

Actividade de ocio destinada a persoas que queiran ter o seu primeiro acercamento o mundo da informática. Terá lugar os días 18 de xullo e 22 de Agosto, en horario de 10.00 a 11.30 horas na Biblioteca Municipal.De balde. Inscrición previa no Concello de Irixoa ou no teléfono: 981 793 001.

Cartel Inicio á Informática

 
CAMPAMENTO DE VERÁN 2019

Do 1 de xullo ao 31 de agosto, de luns a venres de 10:00 a 14:00 horas, realizaremos un campamento no Polideportivo Municicpal. O campamento está destinado a nenos e nenas de 3 a 14 anos. Ten un prezo de 20 € por quincena, e os nenos e nenas empadroados/as terán unha subvención dun 50%. Tamén haberá un desconto dun 10% para familias monoparentais, que teñan un so membro traballando ou si se anotan 2 ou máis irmáns.

Cartel campamento

 
LUMEIRADAS DE SAN XOAN E SAN PEDRO

Está aberto o prazo para comunicar a celebración de fogueiras para a noite do 23 de xuño (San Xoan) ou para a noite do 28 de xuño (San Pedro). As persoas interesadas deberán de cumplimentar e asinar unha declaración responsable no modelo facilitado polo concello, xunto cunha copia do DNI e un plano catastral no que se marcará a situación exacta da fogueira. A presentación da declaración responsable farase no Rexistros xeral do Concello en horario de 9:00 a 14:00 horas de luns a venres. Tamén poderá presentarse a través da sede electrónica utilizando o Trámite de Solicitude Xeral e anexando o modelo de declaración responsable cumplimentado. A sede electrónica está en funcionamento as 24 horas do día.

Declaración responsable

 
PISCINA

Comeza a temporada de verán na piscina, o Concello de Irixoa ten un convenio de colaboración co Concello de Monfero para a utilización da piscina municipal. Xa esta aberto o prazo para matricularse nos cursos de natación ben no Concello de Irixoa de 9h a 14h. ou na piscina municipal de Monfero de 16h a 20h o prazo remata o 1 de xullo.

Cartel Informativo

 
Proxecto María Balteira

A Asociación Cultural, gastronómica e deportiva Lar de Unta promove este proxecto, coordinado polo grupo poético NPG Nova Poesia Guitirica co patrocínio do Concello de Betanzos e a colaboración da Asociación de Veciños de Ambroa, a Asociación Cultural de Colantres, Biblos, Café Lanzós e os concellos de Irixoa e Coirós. O Proxecto María Balteira prepara para a primeira semana de xullo, previa á Feira Franca, unhas xornadas que incluirán en Betanzos recitais de poesía, charlas, mesa redonda, concerto, edición de pasquíns, a edición da obra dos xograres e trobadores Pero de Armea, Pero de Ambroa, Pero Amigo de Sevilha (S. XIII) e poemas adicados a María Balteira, todos eles naturais das Terras de Betanzos. O día 6 de xuño os actos trasladaranse a Ambroa (Irixoa) e o día 7 de xuño a Armea (Colantres, Coirós), lugares de onde procedían os xograres e María Balteira, que formaron parte da corte de Afonso X O Sabio na idade de ouro da literatura medieval galego portuguesa. Alfredo Erias, director do Museo das Mariñas, Dores Cao, profesora do IESP As Mariñas, a catedrática Concha Delgado (prologuista do libro que editará Biblos), o filólogo Xosé Ramón Pena, o profesor Eduardo Maragoto, presidente de AGAL, o profesor Xulio Loureiro do IESP As Mariñas, Marica Campo, autora do libro Confusión e morte de María Balteira ou Manuel Portas, autor do libro Lourenço xograr, serán algúns dos conferenciantes destas xornadas que pretenden divulgar o importante papel de Betanzos na idade de ouro da lírica medieval hai 800 anos aparellado ao peso político da cidade nese período histórico. A Fundación Luís Seoane (este ano adicanse a Luís Seoane as artes galegas) cedeu o gravado do autor sobre María Balteira para imaxe do Proxecto, do libro e dos pasquíns, e o Centro de investigación de humanidades Ramón Piñeiro coa colaboración do seu secretario Armando Requeixo, cedeu a obra completa destes tres poetas medievais e poemas adicados a María Balteira. A tradición literaria de Betanzos remóntase á Idade Media, época de esplendor da lírica e auténtica idade de ouro para Galiza e Portugal. Aportamos a esta época un trobador, dous xograres e unha soldadeira, María a Balteira. Os tres autores pertencen ao século XIII, manteñen relacións literarias e frecuentan as mesmas cortes, a corte real de Afonso X e, posibelmente, a corte señorial galega de Rodrigo Gómez de Trastámara. O trobador Pero García de Ambroa, natural de San Tirso de Ambroa, no concello de Irixoa, partido xudicial de Betanzos, é autor dunha cantiga de amigo, unha cantiga de amor, once de escarnio e unha tensón. Hai autores que consideran que teríamos que distinguir entre un Pero de Ambroa xograr e un Pero Garcia de Ambroa trobador ; outros opinan que son a mesma persoa e algún engade que é o mesmo autor cunha evolución de trobador a xograr pola decadencia económica. Este trobador foi obxecto de crítica por moitos autores pola súa suposta peregrinación a Terra Santa e pola relación con María a Balteira. Pero de Armea, orixinario do municipio de Coirós, do lugar de Armea, é autor de 13 cantigas de amor, catro de amigo e unha cantiga satírica, de escarnio de amor. Pedro Amigo de Sevilla, designado de Sevilla porque residiu nesa cidade, é identificado por Martínez Salazar e García Blanco cun clérigo de de San Tirso de Ambroa, no concello de Irixoa, lugar de onde era orixinario Pero García de Ambroa. Foi coengo de Oviedo e de Salamanca onde firma o seu testamento en 1302. A súa obra está formada por dezasete cantigas satíricas, catro cantigas de amor, unha pastorela, dez cantigas de amigo e unha tensón con Xohan Vasquiz de Talaveira. Toda esta obra e os pkemas de djversos autores da época adicados a María Pérez A Balteira serán editados polo proxecto co prólogo da profesora betanceira Concha Delgado.

 
RUTAS DE SENDERISMO. COÑECE IRIXOA

Está previsto realizar dúas rutas para coñecer o Concello de Irixoa e algún do seu patrimonio arqueolóxico. O día 30 de xuño ás 10:00 mañá sairemos do Local Social de A Graña (Ambroa), e faremos unha ruta circular de 4 horas de duración aproximadamente. Despois da ruta comeremos todos/as xuntos/as na area de recreo que hai ao lado do local, cada participante ten que levar a súa comida. O día 21 de xullo partiremos do Monte de San Antón, ás 10:00 horas, e tamén faremos unha ruta circular, comendo ao final todos/as xuntos/as, e cada un levará a súa comida. O prazo de inscrición estará aberto ata 1 semana antes de cada ruta. Máis información tel. 981 793 001.

Rutas de senderismo. Coñece Irixoa

 
Página  1   2   3   4   5   6   7   8   9   10   11   12   
Sede electrónica

 

As nosas sedes

 

Perfil Facebook