30/01/2026 14:43:00

Xoves de Coidados

Programa de Envellecemento Activo, sesións no Balneario de Guitiriz.

cartel Xoves de Coidados

30/01/2026 10:16:00

Experiencias interxeracionais de mulleres no rural

O vindeiro 12 de febreiro ás 16.30h, o Concello de Irixoa acollerá na Biblioteca Municipal un novo encontro: esta xornada centrarase en poñer en valor os coñecementos e as vivencias das mulleres da contorna, tecendo pontes entre xeracións. Será un espazo para compartir saberes, experiencias e fortalezas, celebrando a labor fundamental das mulleres na construción e sostén das comunidades rurais. Non perdas a oportunidade de aprender sobre o papel da muller rural na realidade que afrontamos, no presente e futuro dos nosos territorios e a vida social que se sostén neles. A actividade está aberta á participación da veciñanza e de todas aquelas persoas que lles sexa de interese. Colabora Concello de Irixoa, Arquitectos sen fronteiras e Cooperación Galega.

cartel

20/01/2026 13:20:00

Programa de financiamento dos Servizos Sociais Comunitarios Municipais no ano 2025, FOPSS 2025.

Gastos Financiados polo Programa de financiamento dos Servizos Sociais Comunitarios Municipais no ano 2025, FOPSS 2025.

15/01/2026 14:32:00

Inicio de procedimiento de admisión de alumnado en centros sostenidos con fondos públicos 2025 /2026.

La Consellería de Educación, Ciencia, Universidades e Formación Profesional fija del 1 al 20 de marzo el plazo para que las familias soliciten plaza escolar para todo el alumnado que entra por primera vez en el sistema educativo (mayoritariamente en 4º curso de Educación Infantil), así como para aquellos alumnos de Educación Infantil, Educación Primaria, ESO y Bachillerato que desean cambiar de centro escolar siempre que haya plazas disponibles. Previamente, del 15 de enero al 4 de febrero, estará abierto el período de reserva de plaza para el caso de los alumnos que finalizan etapa en su centro actual y pasan al centro adscrito que les corresponde. Más información y trámite https://www.edu.xunta.gal/admisionalumnado/ o en el teléfono de información de Xunta de Galicia: 012.

30/12/2025 12:40:00

O día 5 de xaneiro as súas Maxestades os Reis Magos de Oriente achegaranse ao Polideportivo Municipal de Irixoa.

A partir das 16:30 os nenos e as nenas poderán agardar a súa chegada con inchables, obradoiros, xogos...

12/12/2025 12:50:00

A Consellería de Emprego, Comercio e Emigración, en data 28/10/2025, aproba ao Concello de Irixoa a concesión dunha axuda, solicitada segundo a Orde de convocatoria, do 13 de agosto de 2025 pola que se aproban as bases reguladoras para a concesión de subvencións destinadas á contratación de persoas mozas inscritas no Sistema nacional de garantía xuvenil, no ámbito da Comunidade Autónoma de Galicia, a través da colaboración con entidades locais, cofinanciadas pola Unión Europea no marco do Programa FSE+ Galicia 2021 - 2027, e se procede á súa convocatoria para o ano 2025.

Esta axuda esta cofinanciada nun 60% pola Unión Europea no marco do Programa FSE+ Galicia 2021 – 2027, dentro do Obxectivo político 4 “Unha Europa máis social e inclusiva, por medio da aplicación do piar europeo de dereitos sociais”, Prioridade 5 “Emprego xuvenil”, Obxectivo específico ES04.1. “Mellorar o acceso ao emprego e a medidas de activación de todas as persoas demandantes de emprego, e en particular das persoas mozas, especialmente a través da aplicación da Garantía Xuvenil, dos desempregados de longa duración e os grupos desfavorecidos no mercado laboral, e das persoas inactivas, así como mediante a promoción do emprego por conta propia e a economía social”, e Medida 5.A.02. “Facilitar a mellora da empregabilidade das persoas mozas desempregadas”.

O Concello contratará un peón forestal con cargo a devandita subvención e consonte coa seguinte desagregación:

Número de Traballadores: 1

PEÓN FORESTAL CNO 9543

Duración do contrato (meses): 9 meses

Xornada laboral (%): 100

O obxectivo principal é mellorar a inserción laboral das persoas mozas participantes, e máis en concreto:

1.- Desenvolver as capacidades técnicas coas que contan nun entorno laboral real.

2.- Adquirir as habilidades necesarias para desenvolverse con solvencia nun entorno laboral real: a comunicación, o traballo en equipo, a intelixencia emocional, a resolución de problemas e a adaptabilidade.

3.- Construír unha carreira profesional que lles permita adquirir autosuficiencia económica.

Os resultados que se pretenden alcanzar co desenvolvemento deste programa, son entre outros:

a) Impulsar accións que axuden a reducir o desemprego xuvenil, mellorando as taxas actuais.

b) Aumentar as oportunidades dos mozos e mozas no mercado laboral a través do coñecemento adquirido no emprego, mellorando a súa empregabilidade.

c) Axudar a encontrar una oferta de emprego tras acabar os seus estudos ou quedar desempregados/as.

11/12/2025 13:48:00

O pasado día 4 de decembro o tribunal designado para elexir as postais gañadores do VIII concurso de postais de Nadal convocado polo Concello de Irixoa elexiu gañadoras as seguintes postais: Categoría de 3 a 5 anos: Samuel Vázquez Martínez, 3 anos. Categoría de 5 a 8 anos: Hugo Barallobre Pérez, 6 anos. Categoría de 9 a 11 anos: Valentina Vázquez Martínez, 9 anos. Categoría de 12 a 14 anos: Emma Pérez López, 13 anos. Noraboa a todxs xs premiadxs.!!!!

Acta

25/11/2025 13:48:00

O Concello de Irixoa oferta dentro do Plan Corresponsables (Irixoa concilia), subvencionado polo Ministerio de Igualdade, a través da Consellería de Politica Social e Igualdade, un espazo de coidado de menores de 3 a 15 anos coa contratación de profesionais do sector dos coidados, no polideportivo e Biblioteca Municipal.

Neste espazo de conciliación os/as menores realizarán actividades deportivas, lúdicas, educativas, sempre cun enfoque igualitario.

Haberá ademáis actuacións teatrais, musicais financiadas dentro da Rede Cultural que promociona a Deputación Provincial da Coruña, as que poderán asistir tamén as familias.

O Campamento de nadal será desde o día 22 de decembro ao día 5 de xaneiro, de luns a venres, de 9:00 a 14:00 horas.

De acordo coa ordenanza reguladora do prezo público pola prestación de actividades, deportivas, culturais e outas actividades de carácter puntual (publicada no BOP nº 182 de mércores 24 de setembro de 2025), o campamento tera un:

Prezo: 20 € nen@s empadroad@s/10 € a semana.

60 € nen@s non empadroad@s/30 € a semana.

As familias con dificultades económicas, renda baixa,etc. poderán solicitar a exención ou distintas bonifcacións dependendo da súa situación. Terán que solicitalo e achegar a documenación que acredite a súa situación.

Prazo de inscrición ata o día 12 de decembro.

25/11/2025 12:15:00

Concentración 25N

Agradecemos a participación de toda a veciñanza que se acercou ata o Concello este 25N e secundou a iniciativa municipal. Moitas grazas a todos / as.

25/11/2025 10:48:00

25 N

O Concello de Irixoa súmase o movemento de repulsa contra as violencias exercidas contra as mulleres. Este martes, 25 de Novembro ás 12 horas, levarase a cabo unha lectura do manifesto no Concello onde os veciños e veciñas poderán demostrar o seu apoio e solidariedade ás vítimas así como o seu rexeitamento ante estes actos de violencia.