13/08/2021 12:34:00

Bono Coidado 2021

A Consellería de Política Social convoca axudas económicas ás familias para a conciliación en situacións puntuais e períodos de vacacións escolares, producidas entre o 1 de xaneiro e o 14 de setembro de 2021, a través do programa Bono Coidado

Poderán ser obxecto destas axudas as seguintes actuacións dirixidas á atención de nenos e nenas de ata 12 anos e realizadas desde o 1 de xaneiro de 2021:

1º. Contratación laboral dunha persoa empregada do fogar de forma temporal para o coidado do/a neno/a

2º. Contratación de servizos de atención á infancia a domicilio.

3º. Asistencia a servizos de conciliación autorizados pola Consellería de Política Social, en concreto, atención en ludotecas, espazos infantís ou servizos complementarios de atención á infancia previstos no Decreto 329/2005, do 28 de xullo, polo que se regulan os centros de menores e os centros de atención á infancia

.4º. Asistencia a campamentos ou outros recursos de conciliación colectivos especificamente organizados para a atención dos nenos e nenas nos períodos de vacacións escolares

Ata o 30/09/2021

As solicitudes presentaranse obrigatoriamente por medios electrónicos a través do formulario normalizado dispoñible na sede electrónica https://sede.xunta.gal

30/07/2021 10:57:00

Actuación que se realizará o día 3 de agosto no exterior do Polideportivo Municipal. Esta actuación está destinada aos nenos e as nenas que participan no Campamento de verán, aínda que se abre un prazo de inscrición ata completar aforo ata o día 2 de agosto, no tél. 981 793 001. Actuación subvencionada no Programa Ler conta moito da Xunta de Galicia.

26/07/2021 9:52:00

O día 28 de xullo no exterior do polideportivo municipal teremos a actuación "Rokeamos todas con Pakolas" incluída no programa financiado pola Xunta de Galicia "Ler conta moito". Terán preferencia os nenos e as nenas que participan no campamento, aínda que se poderán anotar nenos e nenas que non participan, ata completar aforo. Máis información e inscricións tel, 981 793 001.

16/07/2021 15:22:00

O día 22 de xullo o Concello organiza unha saída ao Aquapark de Cerceda. Nesta saída soamente poderán participar as persoas empadroadas en Irixoa e ten un prezo de 10 €. Saída ás 11:00 horas diante do Concello e a chegada ás 20:30 horas. Inclúe: transporte, entradas ao parque, comida, merenda. Máis información e inscricións tél. 981 793 001.

12/07/2021 13:24:00

Taller "Coidando o Coidador"

Por mor da falta de asistencia aprázase a celebración deste taller ata nova convocatoria.

07/07/2021 10:57:00

O día 14 de xullo no polideportivo Municipal ás 12:00 horas a compañía Teatro Ghazafelhos actuará para os nenos e as nenas do campamento coa obra Monstros no Camiño. Se hai algún neno/a que non participe no campamento que queira asistir a función terá que anotarse antes do 12 de xullo no tel. 981 793 001. Esta obra está subvenciónada pola Deputación da Coruña no Programa Rede Cultural.

02/07/2021 9:35:00

Taller "Coidando o Coidador"

O día 13 de xullo terá lugar o taller "Coidando o Coidador"

Celebrarase de 10.30 a 13.30 horas na Biblioteca Municipal de Irixoa

Aforo limitado. Necesaria inscrición previa no no Concello ou no teléfono 981 793 001

cartaz Coidando o Coidador

29/06/2021 13:04:00

Taller de Prevención de infeccións, vacinas e uso seguro da medicación

Infórmase de que o "Taller de Prevención de infeccións, vacinas e uso seguro de medicación" anúlase nesta convocatoria debido a falta de demanda.

28/06/2021 12:49:00

Liberdade de Ser e Sentir

Hoxe 28 de Xuño conmemórase o día "Da Diversidade Sexual". O Concello de Irixoa séntese orgulloso de participar nesta iniciativa de apoio e aceptación de todas as realidades personais. Liberdade de Ser e Sentir!

24/06/2021 10:19:00

Liberdade de Ser e Sentir

Recomendacións para o día de hoxe dentro do marco de Liberdade de Ser e Sentir

Aclarando conceptos con Daniel Amarelo: https://youtu.be/HPn7uvKcnL

Presentación da Rede Educativa de apoio a LGTBIQ+: https://youtu.be/J2SUf0idnxo

Recomendación literaria, literatura xuvenil: "El arte de ser normal. Lisa Williamson"

Recomendación de cine: "La chica danesa. Tom Hooper"

Recomendación en ensaio e divulgación: "El ciclo del amor marica. Gabriel J. Martín"