Novas
LUMINARIAS DE SAN XOAN E SAN PEDROEstá aberto o prazo para comunicar a celebración de fogueiras para a noite do 23 de xuño (San Xoan) ou para a noite do 28 de xuño (San Pedro).
As persoas interesadas deberán de cumplimentar e asinar unha declaración responsable no modelo facilitado polo concello, xunto cunha copia do DNI e un plano catastral no que se marcará a situación exacta da fogueira.
A presentación da declaración responsable farase no Rexistro xeral do Concello en horario de 9:00 a 14:00 horas de luns a venres.
Tamén se poderá presentar a través da sede electrónica utilizando o Trámite de Solicitude Xeral e anexando o modelo de declaración responsable cumplimentado.
A sede electrónica está en funcionamento as 24 horas do día.
A data límite de presentación é
22 de xuño ás 13:00 para a luminaria de San Xoán
26 de xuño ás 13:00 para a luminaria de San Pedro
Descargar declaración responsable
Presentación da Declaración individual de ingresos de Pensións Non Contributivas (PNC)Reanudación do prazo para a presentación da declaración individual de ingresos 2020 das Pensións Non Contributivas (PNC)
O IMSERSO informa da reanudación do prazo para a presentación da declaración individual de ingresos 2020 das Pensións Non Contributivas (PNC) para todas aquelas persoas que non o tiveran feito antes da suspensión dos prazos pola declaración do Estado de Alarma.
Do 1 ó 18 de xuño de 2020, inclusive.
Máis información: Servizos Sociais Concello de Irixoa ou no teléfono: 981 793 001
CITA PREVIA POR INTERNETDende o día de hoxe contamos tamén coa posibilidade de pedir cita previa a través da Sede Electrónica do Concello.
As persoas interesadas poden acceder á Sede Electrónica e cumplimentar un pequeno formulario cos seus datos de contacto e o motivo da cita. Dende o Concello contactaremos para concretar a cita.
PEDIR CITA PREVIA
Reorganización dos servizos municipais como consecuencia da ampliación do estado de alarmaAos efectos do disposto no Real Decreto-lei 10/2020, do 29 de marzo, considéranse esenciais as seguintes actividades do Concello de Irixoa:
1. Servizo de Axuda no Fogar.
2. Atención a discapacitados, dependentes e vítimas da violencia de xénero.
3. Atención telefónica na casa do concello, para os asuntos urxentes e coordinación xeral dos servizose tramitación administrativa.
4. Alcaldía.
5. Transporte social.
6. Servizos de abastecemento e saneamento de auga.
7. Servizo de recollida de lixo.
8. Calquera outro similar aos recollidos no propio Real Decreto-lei.
As oficinas da casa do concello permanecerán pechadas para o público.
Para a realización de trámites extremadamente urxentes e inaprazables haberá que pedir cita no teléfono principal do concello 981 79 30 01, petición que será valorada polo persoal municipal; unha vez valorada a petición,comunicarase a admisión á persoa interesada, quen poderá ingresar na casa do concello, adoptando as medidas preventivas recomendadas, de xeito individual (ou con acompañante en caso de necesidade),aos efectos de realizar a xestión administrativa oportuna.
O persoal municipal organizará o seu traballo por quendas e, no ámbito do posible, mediante o teletraballo na súa casa.
Nas oficinas xerais municipais permanecerán 1 persoa durante o horario especial de 9:30 a 13:30, atendendo ao seu traballo, teléfono e xestionar as tarefas inaprazables encomendadas e trámites urxentes.
As quendas serán rotatorias durante o tempo que dure o estado de alarma agravado.
Mantense o transporte social unicamente para enfermos que necesiten atención médica, de enfermería ou farmacéutica que non poida aprazarse, cun máximo de 3 persoas por viaxe, a parte do condutor. Os usuarios unicamente poderán asistir ás consultas sanitarias ou dispensacións farmacéuticas imprescindibles, non para outras xestións.
O condutor municipal queda facultado para realizar os controis oportunos para garantir o cumprimento desta medida restritiva.
Bando contención coronavirusPara afrontar o agravamento dos contaxios por Covid-19, dende o Concello de Irixoa adóptanse as seguintes medidas:
- Suspender dende hoxe todas as actividades municipais, así como as que se celebren nas súas instalacións.
- Pechar ao público a biblioteca municipal e o pavillón polideportivo.
- Limitar a asistencia ás oficinas municipais só para tramitacións urxentes, cunha acumulación máxima de 5 persoas externas ao concello dentro do edificio.
- De ser posible, recoméndase realizar as tramitacións por medios telemáticos, en especial usando a sede electrónica https://sede.irixoa.es
É absolutamente imprescindible a colaboración dos veciños, polo que deberán evitarse aglomeracións e cumprir estritamente as ordes ou recomendacións das autoridades competentes, co obxecto de frear o contaxio do coronavirus.
RECORDAMOS QUE TAMÉN SE PODEN SEGUIR A INFORMACIÓN MUNICIPAL DENDE A APLICACIÓN PARA MÓVILES. Instalando a app "Irixoa" dende GooglePlay ou "bandomovil" dende App Store.
Bando
Taller de Autocoidado Feminino e Autoestima Taller de Autocoidado Femino e Autoestima
O Venres 27 de Marzo celebraremos un Taller de Autocoidado Feminino e Autoestima. Destinado a todas as mulleres interesadas e maiores de idade. Entrada de balde previa inscrición no Departamento de Servizos Sociais ou no teléfono: 981 793 001.
Horario de 10.30 a 12 horas na Biblioteca Municipal de Irixoa.
COA PUBLICACIÓN DO BANDO MUNICIPAL DO 13 DE MARZO, QUEDA APRAZADA ESTA ACTIVIDADE.
Taller de Autocoidado Feminino e Autoestima
Página
1 2 3 4 5 6 7 8 9 10 11 12 13 14 15 16 17 18 19