30/09/2021 11:19:00

A partir do día 14 de outubro en horario de 9:00 a 14:00 horas, os/as estudantes empadroados/as no Concello de Irixoa porderán recoller nas oficinas municipais un pack de material de protección contra a COVID-19 consistente en 5 máscaras reutilizables de tela (20 lavados), un portamáscaras e un xel. Máis información no tel. 981 793 001.

Cartel informativo

28/09/2021 12:28:00

"Encontro coas familias"

O vindeiro día 7 de outubro ás 11:30 horas realizaremos na Biblioteca Municipal de Irixoa a primeira reunión do programa "Encontro coas familias" (antigo preescolar na casa), realizado pola Fundación Antonio Gandoy e coa colaboración do Concello de Irixoa cedendo o espazo e financiando parte do custe da actividade. Espazos das familias é un espazo de encontro semanal para pais e nais con crianzas menores de 3 anos para reflexionar e debatir sobre educación, e compartir tempos e espazos lúdicos coas/cos fillas/fillos. Máis información tel. 981 793 001.

Cartel informativo

23/09/2021 12:58:00

Invitamos a colaborar na elaboración do PLAN MUNICIPAL DE EMERXENCIA E XESTIÓN DO RISCO DE SECA do Concello de Irixoa.

Este PLAN comprenderá as accións a desenvolver en caso de que se produzan situacións de escaseza de auga e a participación de todas as partes implicadas é importante para determinar as mellores solucións para cada escenario.

A seca é un fenómeno global que se produce cando a dispoñibilidade da auga é menor do habitual.

O obxecto do plan de seca é servir coma ferramenta que complemente a planificación estatal e autonómica na materia a unha escala de detalle centrada no termo municipal para que dende unha perspectiva de xestión preventiva se mellore o sistema de abastecemento, se determine a vulnerabilidade deste e se minimicen os efectos negativos que poidan producir os escenarios de seca, nun contexto de cambio climático.

O plan de seca servirá tamén para abordar aqueles aspectos da xestión ordinaria que servirán para anticipar as posibles continxencias cun traballo de prevención e adaptación en períodos de normalidade climática.

Co obxecto de ofrecer a posibilidade de consultar e aportar suxerencias para a redacción final deste plan, está previsto realizar uns talleres participativos destinados á poboación en xeral, asociacións, empresas e explotacións agrícolas e gandeiras que desenvolvan a sua actividade ou teñan residencia no termo municipal.

Se estás interesad@ na participación, envíanos un correo co teu nome e teléfono de contacto a correo@irixoa.es antes do 8 de outubro de 2021.

16/09/2021 9:54:00

O día 9 de outubro teremos o Día da Bici no que faremos un percorrido por diferentes parroquias do Concello disfrutando do entorno e a compañia. A hora de saída será as 16h. diante da casa do Concello regresando sobre as 18h. aprox. Será obrigatorio o uso de casco e mascarilla. Seguirase a normativa vixente en relación o COVID-19. Inscricións no Concello ata o 1 de outubro.

Cartel Día da Bici

Ficha Inscrición adultos

Ficha Inscrición menores

14/09/2021 10:40:00

Taller: O coidador: enfrentando a situación de dolo

O Venres 8 de Outubro terá lugar na Biblioteca Municipal de Irixoa a celebración do Taller: " O coidador: enfrentado a situación de dolo".

Horario de 10.00 a 13.00 horas.

Aforo limitado.

Inscrición previa nos Servizos Sociais ou no teléfono 981 793 001

cartel O coidador enfrentando a situación de dolo

23/08/2021 9:40:00

O día 25 de agosto iremos ao parque multiaventura "Eco parque Marín", nesta actividade faremos circuitos arbóreos-tirolina: circuitos suspendidos nas árbores, 2 de inciación e outros 4 con distinta dificultude e altura. Pola tarde iremos a praia. Haberá que levar roupa cómoda, toalla, bañador, crema solar, gorra. A actividade ten un prezo de 15 € e inclúe: transporte, circuitos arbóreos, comida, merenda. Saída ás 9:15 horas e chegada ás 21:00 horas aproximadamente. O día 30 de agosto teremos a actividade de peinbol. Iremos pola maña, con saída ás 10:30 horas, a un campo de Taboada (Monfero). Chegaremos sobre ás 14:00 horas. Prezo 15 €. Máis información e inscricións, tel. 981 793 001.

Cartel

20/08/2021 13:38:00

Esta actividade está subvencionada dentro do Programa da Xunta de Galicia "Ler conta Moito". Os nenos e nenas participantes no campamento urbano aprenderán como se deseña un cartel. Luns 23 de agosto ás 12:00 horas na biblioteca Municipal. Soamente poderán participar nenos/as inscritos/as no campamento de verán.

13/08/2021 12:43:00

O DOG de hoxe publica a Orde do 3 de agosto de 2021 pola que se establecen as bases reguladoras das axudas para facilitar a obtención dos permisos de condución clases B e C á mocidade galega, dirixidas ás persoas inscritas no Sistema nacional de garantía xuvenil no ámbito da Comunidade Autónoma de Galicia con cargo ao Programa operativo de emprego xuvenil, e se procede á súa convocatoria para o ano 2021.

información: https://www.xunta.gal/dog/Publicados/2021/20210813/AnuncioG0425-040821-0001_gl.html

O prazo de presentación de solicitudes será dun mes, contado a partir do día seguinte ao da publicación da orde de convocatoria no Diario Oficial de Galicia

13/08/2021 12:34:00

Bono Coidado 2021

A Consellería de Política Social convoca axudas económicas ás familias para a conciliación en situacións puntuais e períodos de vacacións escolares, producidas entre o 1 de xaneiro e o 14 de setembro de 2021, a través do programa Bono Coidado

Poderán ser obxecto destas axudas as seguintes actuacións dirixidas á atención de nenos e nenas de ata 12 anos e realizadas desde o 1 de xaneiro de 2021:

1º. Contratación laboral dunha persoa empregada do fogar de forma temporal para o coidado do/a neno/a

2º. Contratación de servizos de atención á infancia a domicilio.

3º. Asistencia a servizos de conciliación autorizados pola Consellería de Política Social, en concreto, atención en ludotecas, espazos infantís ou servizos complementarios de atención á infancia previstos no Decreto 329/2005, do 28 de xullo, polo que se regulan os centros de menores e os centros de atención á infancia

.4º. Asistencia a campamentos ou outros recursos de conciliación colectivos especificamente organizados para a atención dos nenos e nenas nos períodos de vacacións escolares

Ata o 30/09/2021

As solicitudes presentaranse obrigatoriamente por medios electrónicos a través do formulario normalizado dispoñible na sede electrónica https://sede.xunta.gal

30/07/2021 10:57:00

Actuación que se realizará o día 3 de agosto no exterior do Polideportivo Municipal. Esta actuación está destinada aos nenos e as nenas que participan no Campamento de verán, aínda que se abre un prazo de inscrición ata completar aforo ata o día 2 de agosto, no tél. 981 793 001. Actuación subvencionada no Programa Ler conta moito da Xunta de Galicia.