15/11/2023 12:27:00

A Deputación da Coruña pon en marcha a campaña neve para o 2023 na estación de Valgrande-Pajares destinada a rapaces/zas de 12 a 15 anos. O Concello de Irixoa ten adxudicadas 3 prazas. Os participantes desfrutarán de 4 días con aloxamento e manutención, nun albergue a pé de pista, contarán con cursos de esquí e actividades complementarias na estación. Cada participante abonará unha cota de inscrición de 85€. O prazo de inscricións esta aberto ata o 1 de decembro mais información no telf. 981 793 001

Cartel

Folla de inscrición

06/11/2023 13:38:00

O Concello convoca a solicitude de cesión de composteiros a veciñanza para unha mellora da recollida de lixo. As persoas interesadas poderán solicitar un composteiro desde o día 2 ao día 22 de novembro, ambos incluídos. Analizadas e valoradas as solicitudes procederase posteriormente ao reparto de composteiros. Os veciños que xa teñan recibido ou solicitado un composteiro noutras convocatorias non poderán reiterar a solicitude. Máis información e solicitudes na casa do Concello ou no tel. 981 793 001.

Forumulario de solicitude participación

Bando

02/10/2023 12:39:00

Reunións Espazos da Familias Espazos das familias, antigo Preescolar na casa, e un espazo de encontro semanal para nais e pais con crianzas menores de tres anos para debatir sobre eucación, e compartir tempos e espazos lúdicos cos/cas fillos/fillas. Se queres participar faremos unha reunión de presentación na Biblioteca Pública Municipal o día 9 de outubro ás 17:30 horas.

02/10/2023 10:50:00

IRIXOA EN MARCHA CONTRA O CANCRO A Asociación Española Contra o Cancro de Irixoa organiza o día 29 de outubro de 2023 unha andaina solidaria. A saída será ás 11:30 horas da Casa do Concello. A andaina ten un prezo de 5 € para as persoas adultas e de 3 € para nenos e nenas ata 12 anos. Podes inscribirte na Casa do Concello cubrindo unha folla de inscrición, a través da web https://rockthesport.com/.../irixoa-en-marcha-contra-o-cancro ou escaneando o código QR que aparece no cartel.

05/06/2023 13:24:00

Espectáculo "Circo na Casa"

O Luns 26 de Xuño daremos a benvida o verán co espectáculo de "Circo na Casa" de Mere Clown. Un espectáculo a prol da igualdade para todos os públicos. No Pabillón Municipal de Irixoa ás 11.30 horas. Necesaria inscrición previa no teléfono 981793001 ou nos Servizos Sociais Municipais. Actividade de balde.

Cartel Circo na Casa

13/04/2023 11:27:00

cancelada a visita a exposición Meisel 93

Infórmase de que por mor de falta de asistencia vémonos na obriga de cancelar a visita a exposición de Meisel 93 que tería lugar este venres 21 de abril.

28/03/2023 11:55:00

O día 21 de abril visitaremos a exposición de Steven Meisel ubicada na cidade da Coruña. Sairemos en autobús ás 10 horas do Concello e voltaremos sobre as 14 horas. Necesaria inscrición previa chamando o teléfono 981 793 001 ou nos Servizos Sociais Municipais. Actividade de balde para as persoas empadroadas.

cartel exposición Meisel 93

22/11/2022 13:24:00

O día 25 de Novembro o Concello de Irixoa conmemora o día da loita contra a Violencia de Xénero. No Departamento de Servizos Sociais elaboraremos un mural para que todas as persoas interesadas podades deixar as vosas mensaxes de rexeita contra esta violencia. As 13.00 horas terá lugar a lectura do manifesto en contra da Violencia de Xénero e gardaremos un minuto de silencio por todas as víctimas. Agardamos a vosa participación.

21/11/2022 12:32:00

Do día 21 de novembro ao 2 de decembro estará aberto o prazo para realizar a entrega de postais para participar no V concurso de Postais de Nadal organizado polo Concello de Irixoa. Hay dúas categorías de 3 a 7 anos e de 8 a 12 anos, premio de vale regalo por valor de 70 € en cada unha. Poderá facerse entrega de dúas postais por paticipante como máximo no Concello de Irixoa de 9 a 14 horas, ou envíandoas por correo postal ao enderezo: Concello de Irixoa, Pazo de Irixoa, 6, 15313 Irixoa, xunto cun formulario que se pode descargar nesta páxina. Máis información no tél. 981 793 001.

Bases V Concurso de postais

Impreso de solicitude

17/10/2022 12:55:00

A Cruz Vermella organiza un curso gratuíto de manipulador/a de alimentos dirixido a persoas desempregadas, en mellora de emprego ou que queiran traballar con alimentos directa ou indirectamente. O curso celebrarase na Biblioteca Municipal o día 28 de outubro en horario de 10:00 a 13:00 horas, as prazas son limitadas. Más información e inscricións no Departamento de Servizos Sociais. Tél. 981 793 001.