20/02/2018 11:15:00

Ecoembes e a Consellería de Medio Ambiente e Ordenación do Territorio organizan esta campaña, que busca fomentar na cidadanía as boas prácticas no tratamento dos residuos como oportunidade para acadar os beneficios ambientais e económicos derivados da correcta separación e reciclaxe. En concreto, Recicla con Xeito acudirá o próximo 6 de marzo á Feira da Viña co obxectivo de orientar e axudar á cidadanía a recoñecer correctamente os residuos que son obxecto de reciclado a través dos contedores amarelo (envases lixeiros) e azul (papel e cartón), así como animalos a realizar o seu depósito nos contedores correspondentes que atoparán en cada evento. Anímate e participa! LUGAR: Feira da Viña DÍA: 6 de marzo HORARIO: de 10:30 a 13:30

Cartel ecoembes

15/02/2018 11:03:00

A Asociación Mariñas-Betanzos (www.marinasbetanzos.gal), entidade xestora da Reserva de Biosfera Mariñas Coruñesas, vai a desenvolver unha xornada sobre "A produción de carne de vacún. Unha oportunidade para emprender na Biosfera", que se celebrará o próximo mércores 28 de febreiro e que terá lugar no Centro de Investigacións Agrarias de Mabegondo (Abegondo). Esta xornada está dirixida a todas as persoas que poidan estar interesadas en poñer en marcha unha explotación gando vacún, en extensivo, Coñecendo diferentes experiencias produtivas, así como a información máis relevante para a posta en marcha dunha iniciativa deste tipo. Calquera persoa interesada pode poñerse en contacto coa Asociación Mariñas-Betanzos, para ter máis información, así como para realizar a inscrición na xornada: 981 669 541 - info@marinasbetanzos.gal

Borrador programa

14/02/2018 14:42:00

A páxina de Facebook á que este servizo viña dotando de información sobre o emprego e a formación, non está accesible actualmente por restriccións de acceso do propio Facebook. Aproveitamos esta incidencia para actualizar a páxina e poder prestar un mellor servizo. Estamos facendo as actuacións necesarias para poder ter acceso á dita páxina o máis axiña posible.

20/12/2017 13:04:00

Damos publicidade da pretensión por parte de UNION FENOSA de realizar operación de xestión de biomasa nas liñas de distribución de enerxía eléctrica do termo municipal de Irixoa. Achégase tamén un plano do trazado das ditas líneas por se algún propietario dos terreos afectados considera do seu interés realizar a xestión da biomasa previamente. Unha vez transcurridos 15 días desde a publicación do anuncio no tablón de edictos do concello non se efectuaron as labores de xestión de biomasa indicadas, Unión Fenosa procederá á sua realización.

Anuncio

Plano das liñas

13/12/2017 13:37:00

Con data 30 de novembro produciuse o inicio duns cortes de 7 horas diarias do subministro de auga potable municipal para a regulación preventiva da escaseza da auga acumulada non depósitos municipais, a causa da seca que afecta aos mananciais do concello. Debido á actuación municipal de reforzo dos mananciais, xunto coa mellora da conciencia respecto do consumo responsable, a acumulación de auga nos depósitos mellorou de forma evidente. A partir da data de hoxe (13 de decembro) QUEDAN SUPRIMIDOS os cortes preventivos de auga en toda a rede municipal. A alcaldía agradece á veciñanza a comprensión coa necesidade destes cortes horarios preventivos, así como o uso responsable da auga e a colaboración xeral para a mellora das captacións municipais.

13/12/2017 9:55:00

Como cada ano o Concello de Irixoa organiza diferentes actividades durante as vacación de Nadal. Na biblioteca municipal realizaremos de luns a venres, de 10:00 a 14:00 horas uns obradoiros onde nenos e nenas de 4 a 14 anos pasarano en grande realizando manualidades de Nadal, xogos... O día 27 de decembro iremos co Concello de Monfero a pista de xeo instalada no Marineda. Esta actividade está destinada a rapaces e rapazas de de 4 a 18 anos. Prazo de inscrición ata o día 22 de decembro. O día 4 de xaneiro iremos a Silleda-Park un parque de atracións situado nas instalacións da Feira Internacional de Galicia ABANCA. Ofrece numerosas atraccións: saltamontes, pista de coches, olla, jumpy, carrusel e numerosos inchables, pistas deportivas, ping pong, xadrez xigante, máquinas recreativas e áreas como a de videoxogos e a de xogos para os máis pequenos, divertidas actividades complementarias, como exhibicións, talleres, o espectáculo de El Show de los Payasos e, a presenza todos os días de personaxes dedebuxos animados. O día 5 de xaneiro realizaremos como xa é tradición a Festa de Reis, que comezará ás 16:30 horas. Haberá inchables, obradoiros, chocalatada con roscoón, visitarannos as súas maxestades os Reis Magos de Oriente, e como broche final realizaremos a xa tradicional estalaxada de globos.

Obradoiros de Nadal

Patinaxe sobre xeo

Silleda-Park

Festa de Reis

03/10/2017 14:06:00

Este é un punto de encontro que se realizará todos os luns ás 12:00 horas na biblioteca municipal para pais/nais con nenos e nenas de 0 a 3 anos. Un espazo de encontro semanal para reflexionar e debatir sobre educación, e compartir tempos e espazos lúdicos cos/as fillos e as fillas

Pulsa aqui para ver cartel informativo

26/09/2017 10:54:00

O día 7 de outubro teremos o Día da Bicicleta, como cada ano realizaremos un percorrido polas parroquias do concello disfrutando da sua beleza. Este percorrido é apto para todas as idades, menores de 7 anos acompañados. Logo remataremos a tarde cunha festa no polideportivo para celebrar o Día do Deporte, na que haberá inchables, xogos con materiais reciclados, circuito de triquets…

Día da Bicicleta e Día do Deporte

22/09/2017 13:34:00

Listados provisionais para a selección do equipo directivo, docente, de apoio e os alumnos e alumnas. Ábrese o prazo de 5 días naturais para que os candidatos presenten as alegacións que consideren oportunas do 22 ao 26 de setembro de 2017 (incluídos)

LISTADOS PROVISIONAIS

19/09/2017 10:59:00

O concello de Irixoa pon en marcha un ano mais o seu programa de actividades municipais para o curso 2017-2018 coa intención de mellorar a calidade de vida dos veciñ@s e propoñendo novas formas de ocupación do tempo de lecer. As actividades que se ofertan son moi variadas, no ámbito deportivo teremos fútbol sala, actividades de patín, xogos predeportivos, ximnasia de mantemento. Polo que respecta as actividades culturais Inglés, apoio ao estudo, informática, cestería… O prazo para inscribirse remata o 29 de setembro. Mais información e inscripcións no Concello. Telf. 981793001

Tríptico actividades municipais