02/03/2018 9:27:00

A Deputación da Coruña, no marco do Plan de Emprego Local 2016 -2019, ven de convocar as seguintes liñas de axudas correspondentes á anualidade 2018: LIÑA 2.1 PEL EMPRENDE. INVESTIMENTO: Axudas para a consolidación e fortalecemento do tecido empresarial nos concellos da provincia da Coruña a través do apoio ao investimento en bens inventariables . LIÑA 3.1 PEL PEMES. CREACIÓN E AMPLIACIÓN: Axudas para a creación e ampliación do cadro de persoal de Pemes e micropemes en calquera das modalidades xurídicas existentes, con centro de traballo rexistrado en concellos da provincia de menos de 20.000 habitantes e con domicilio fiscal na provincia da Coruña. LIÑA 3.2 PEL PEMES. MANTEMENTO: Axudas para o mantemento do cadro de persoal de Pemes e micropemes, sendo subvencionables aquelas contratacións indefinidas realizadas polos/as beneficiarios/as da convocatoria PEL PEMES 2017. As bases reguladoras das tres liñas de subvención poden consultarse no Boletín Oficial da Provincia do 15 de febreiro de 2018 . As solicitudes presentaranse de xeito telemático, a través da páxina web da Deputación da Coruña , pechando o prazo de presentación ás 14.00 horas do 22 de marzo de 2018. Lembramos que na web https://emprego.dacoruna.gal/ pode consultar información actualizada do Plan de Emprego Local.

28/02/2018 14:34:00

A Deputación da Coruña publicou no BOP do 28 de febreiro a resolución pola que se aproban as bases reguladoras do Programa de Integración Laboral para o ano 2018. O obxecto do Programa é fomentar o emprego nos concellos mediante a contratación de persoal en situación de exclusión laboral para a prestación dos servizos mínimos municipais e a execución de pequenas obras de reparación e mantemento relacionadas cos ditos servizos. As personas a contratar deberán estar en situación de desemprego na data de inicio do proceso selectivo e atoparse nalgunha das seguintes situacións de exclusión laboral: a) Mulleres, ao ter un diferencial de índice de paro rexistrado sensiblemente superior ao dos homes. b) Maiores de 45 anos. c) Parados de longa duración. Aos efectos deste programa terán esta consideración aquelas persoas que leven un mínimo de dous anos como demandantes de emprego. d) Persoas con discapacidade: aquelas persoas que teñan recoñecida, pola administración competente, unha discapacidade nun grao igual o superior al 33%. A acreditación da discapacidade será comprobada polos concellos no proceso de selección das persoas a contratar. e) Persoas en situación de drogodependencia f) Persoas que vivan nun fogar onde ninguén teña emprego. g) Personas con fogar monoparental h) Personas con problemas para atopar emprego polo idioma ou cuestións socioculturais i) Personas vítimas de violencia de xénero j) Personas sen fogar

28/02/2018 11:48:00

A Cámara da Coruña organiza a II Feira de Emprego para mozos A Cámara de Comercio da Coruña organiza a segunda edición da Feira de Emprego para persoas xoves, con servizos de orientación laboral personalizados e encontros con empresas punteiras. O evento celebrarase o 1 de marzo en Palexco e é de inscrición libre e gratuíta, dirixido a mozas e mozos de entre 16 e 29 anos dos 39 municipios que conforman a demarcación do ente cameral coruñés. O obxectivo é poñer en contacto a representantes dalgunhas das principais empresas do país coa mocidade que nin estuda nin traballa pero que buscan unha oportunidade no mercado laboral. A primeira edición, o pasado xuño, reuniu a 400 persoas. Os participantes deben estar inscritos no Programa de Garantía Xuvenil da Cámara da Coruña, polo que a institución anima a formar parte desta iniciativa e inscribirse.

20/02/2018 12:17:00

O próximo sábado, 3 de marzo no local social de Altos de Verís terá lugar unha xornada sobre como combatir a vespa velutina. Dende as 10 ata as 13 horas varios relatores informarán sobre distintas solucións para loitar contra esta especie invasora. Granxas de Lousada é a organizadora desta xornada. Colaboran neste evento a Comunidade de Montes en Man Común “O Raño”, o Concello de Irixoa e a Asociación de Desarrollo Rural “Mariñas – Betanzos”. Máis información e inscricións no teléfono 657 103 467 LUGAR: Local social de Altos de Verís DÍA: 3 de marzo HORARIO: de 10 a 13 horas

Descargar cartel

20/02/2018 11:15:00

Ecoembes e a Consellería de Medio Ambiente e Ordenación do Territorio organizan esta campaña, que busca fomentar na cidadanía as boas prácticas no tratamento dos residuos como oportunidade para acadar os beneficios ambientais e económicos derivados da correcta separación e reciclaxe. En concreto, Recicla con Xeito acudirá o próximo 6 de marzo á Feira da Viña co obxectivo de orientar e axudar á cidadanía a recoñecer correctamente os residuos que son obxecto de reciclado a través dos contedores amarelo (envases lixeiros) e azul (papel e cartón), así como animalos a realizar o seu depósito nos contedores correspondentes que atoparán en cada evento. Anímate e participa! LUGAR: Feira da Viña DÍA: 6 de marzo HORARIO: de 10:30 a 13:30

Cartel ecoembes

15/02/2018 11:03:00

A Asociación Mariñas-Betanzos (www.marinasbetanzos.gal), entidade xestora da Reserva de Biosfera Mariñas Coruñesas, vai a desenvolver unha xornada sobre "A produción de carne de vacún. Unha oportunidade para emprender na Biosfera", que se celebrará o próximo mércores 28 de febreiro e que terá lugar no Centro de Investigacións Agrarias de Mabegondo (Abegondo). Esta xornada está dirixida a todas as persoas que poidan estar interesadas en poñer en marcha unha explotación gando vacún, en extensivo, Coñecendo diferentes experiencias produtivas, así como a información máis relevante para a posta en marcha dunha iniciativa deste tipo. Calquera persoa interesada pode poñerse en contacto coa Asociación Mariñas-Betanzos, para ter máis información, así como para realizar a inscrición na xornada: 981 669 541 - info@marinasbetanzos.gal

Borrador programa

14/02/2018 14:42:00

A páxina de Facebook á que este servizo viña dotando de información sobre o emprego e a formación, non está accesible actualmente por restriccións de acceso do propio Facebook. Aproveitamos esta incidencia para actualizar a páxina e poder prestar un mellor servizo. Estamos facendo as actuacións necesarias para poder ter acceso á dita páxina o máis axiña posible.

20/12/2017 13:04:00

Damos publicidade da pretensión por parte de UNION FENOSA de realizar operación de xestión de biomasa nas liñas de distribución de enerxía eléctrica do termo municipal de Irixoa. Achégase tamén un plano do trazado das ditas líneas por se algún propietario dos terreos afectados considera do seu interés realizar a xestión da biomasa previamente. Unha vez transcurridos 15 días desde a publicación do anuncio no tablón de edictos do concello non se efectuaron as labores de xestión de biomasa indicadas, Unión Fenosa procederá á sua realización.

Anuncio

Plano das liñas

13/12/2017 13:37:00

Con data 30 de novembro produciuse o inicio duns cortes de 7 horas diarias do subministro de auga potable municipal para a regulación preventiva da escaseza da auga acumulada non depósitos municipais, a causa da seca que afecta aos mananciais do concello. Debido á actuación municipal de reforzo dos mananciais, xunto coa mellora da conciencia respecto do consumo responsable, a acumulación de auga nos depósitos mellorou de forma evidente. A partir da data de hoxe (13 de decembro) QUEDAN SUPRIMIDOS os cortes preventivos de auga en toda a rede municipal. A alcaldía agradece á veciñanza a comprensión coa necesidade destes cortes horarios preventivos, así como o uso responsable da auga e a colaboración xeral para a mellora das captacións municipais.

13/12/2017 9:55:00

Como cada ano o Concello de Irixoa organiza diferentes actividades durante as vacación de Nadal. Na biblioteca municipal realizaremos de luns a venres, de 10:00 a 14:00 horas uns obradoiros onde nenos e nenas de 4 a 14 anos pasarano en grande realizando manualidades de Nadal, xogos... O día 27 de decembro iremos co Concello de Monfero a pista de xeo instalada no Marineda. Esta actividade está destinada a rapaces e rapazas de de 4 a 18 anos. Prazo de inscrición ata o día 22 de decembro. O día 4 de xaneiro iremos a Silleda-Park un parque de atracións situado nas instalacións da Feira Internacional de Galicia ABANCA. Ofrece numerosas atraccións: saltamontes, pista de coches, olla, jumpy, carrusel e numerosos inchables, pistas deportivas, ping pong, xadrez xigante, máquinas recreativas e áreas como a de videoxogos e a de xogos para os máis pequenos, divertidas actividades complementarias, como exhibicións, talleres, o espectáculo de El Show de los Payasos e, a presenza todos os días de personaxes dedebuxos animados. O día 5 de xaneiro realizaremos como xa é tradición a Festa de Reis, que comezará ás 16:30 horas. Haberá inchables, obradoiros, chocalatada con roscoón, visitarannos as súas maxestades os Reis Magos de Oriente, e como broche final realizaremos a xa tradicional estalaxada de globos.

Obradoiros de Nadal

Patinaxe sobre xeo

Silleda-Park

Festa de Reis