09/12/2022 9:48:00

Durante o mes de novembro de 2022 realizouse unha convocatoria para solicitudes de compsteiros pola veciñanza, aínda quedaron composteiros dispoñibles para repartir entre novos veciños interesados.

Estes composteiros están finaciados por fondos NextGeneretion-EU xestionados pola Xunta de Galicia. Grazas a esta subvención o concello e os veciños contribuirán a unha mellora medioambiental, con redución da cantidade de lixo producido e das viaxes de recollida, e farán máis sostible o servizo de recollida de lixo, tanto a nivel ambiental como económico

O novo prazo para solicitar un composterio queda comprendido dende o 12 ao 31 de decembro de 2022, ambos incluídos.

Bando

Impreso de solicitude

07/12/2022 14:37:00

Resultaron gañadoras do V Concurso de postais de Nadal 2022 organizado polo Concello de Irixoas as seguintes postais: Categoría de 3 a 7 anos: Fiz Doutón Arangüena. 4 anos Categoría de 8 a 12 anos: Martín Amenedo Carballeira. 9 anos Noraboa e moitas gracias a tod@s @s participantes, Foi unha elección difícil!!

Acta xurado

07/12/2022 13:43:00

A Deputación da Coruña pon en marcha a campaña neve para o 2023 na estación de Valgrande-Pajares destinada a rapaces/zas de 12 a 15 anos. O Concello de Irixoa ten adxudicadas 3 prazas. Os participantes desfrutarán de 4 días con aloxamento e manutención, nun albergue a pé de pista, contarán con cursos de esquí e actividades complementarias na estación. Cada participante abonará unha cota de inscrición de 85€. O prazo de inscricións esta aberto ata o 16 de decembro mais información no telf. 981 793 001

Cartel

Folleto informativo e folla de inscrición

28/11/2022 11:28:00

O departamento de Cultura do Concello de Irixoa organiza un campamento durante as vacacións de Nadal, para facilitar a conciliación das familias con nenos e nenas de 3 a 14 anos. O campamento realizarase do 26 de decembro ao 5 de xaneiro en horario de 9:30 a 14:00 horas. Prezo, 20 €, cun 50% de desconto para nenas/os empadroad@s en Irixoa. Maís información e inscricións ata o día 20 de decembro, tel. 981 793 001.

24/11/2022 10:37:00

Os concellos están obrigados a implantar a recollida selectiva da fracción orgánica dos residuos sólidos urbanos (contedor marrón); de xeito excepcional, para concellos de menos de 2.000 habitantes, permítese implantar un programa de compostaxe doméstica e/ou comunitaria; este sistema é o escollido polo Concello de Irixoa para a xestión da fracción orgánica, dadas as características do noso concello (dispersión, vivendas unifamiliares, carácter predominantemente agropecuario, etc.).

Mediante subvención da Consellería de Medio Ambiente (Xunta de Galicia), dentro dos fondos europeos NextGenerationEU, outorgou unha subvención ao concello para compra de composteiros e reparto aos veciños; esta subvención quedou establecida para as seguintes anualidades:

- 2022: 3.600 €, para un investimento de 4.000 €.

- 2023: 2.430 €, para un investimento de 2.700 €.

Grazas a esta subvención o concello e os veciños contribuirán a unha mellora medioambiental, con redución da cantidade de lixo producido e das viaxes de recollida, e farán máis sostible o servizo de recollida de lixo, tanto a nivel ambiental como económico.

Animamos aos veciños á participar activamente na implantación neste programa de xestión selectiva da materia orgánica, solicitando e instalando un composteiro nas súas parcelas residenciais.

22/11/2022 13:24:00

O día 25 de Novembro o Concello de Irixoa conmemora o día da loita contra a Violencia de Xénero. No Departamento de Servizos Sociais elaboraremos un mural para que todas as persoas interesadas podades deixar as vosas mensaxes de rexeita contra esta violencia. As 13.00 horas terá lugar a lectura do manifesto en contra da Violencia de Xénero e gardaremos un minuto de silencio por todas as víctimas. Agardamos a vosa participación.

21/11/2022 12:32:00

Do día 21 de novembro ao 2 de decembro estará aberto o prazo para realizar a entrega de postais para participar no V concurso de Postais de Nadal organizado polo Concello de Irixoa. Hay dúas categorías de 3 a 7 anos e de 8 a 12 anos, premio de vale regalo por valor de 70 € en cada unha. Poderá facerse entrega de dúas postais por paticipante como máximo no Concello de Irixoa de 9 a 14 horas, ou envíandoas por correo postal ao enderezo: Concello de Irixoa, Pazo de Irixoa, 6, 15313 Irixoa, xunto cun formulario que se pode descargar nesta páxina. Máis información no tél. 981 793 001.

Bases V Concurso de postais

Impreso de solicitude

17/10/2022 12:55:00

A Cruz Vermella organiza un curso gratuíto de manipulador/a de alimentos dirixido a persoas desempregadas, en mellora de emprego ou que queiran traballar con alimentos directa ou indirectamente. O curso celebrarase na Biblioteca Municipal o día 28 de outubro en horario de 10:00 a 13:00 horas, as prazas son limitadas. Más información e inscricións no Departamento de Servizos Sociais. Tél. 981 793 001.

28/09/2022 13:47:00

O día 25 de outubro asistiremos como público ao progama da Galega Quen anda aí?. Sairemos ás 14:00 horas de diante do Concello. Máis información e inscricións ata o día 20 de outubro, tel. 981 793 001.

27/09/2022 14:23:00

Faise público para xeral coñecemento que vai dar comezo un Obradoiro de Emprego na especialidade de “Atención socio sanitaria a persoas no domicilio”, a impartir entre os Concellos de Monfero, Aranga, Irixoa e Vilarmaior.

O obradoiro terá unha duración de doce meses. Impartirase formación teórica e práctica para a obtención dun certificado de profesionalidade de nivel 2 nesa especialidade.

Poderán participar 20 alumnos/as que deberán ter unha idade igual ou superior aos dezaoito anos, estar desempregados e inscritos como demandantes no Servizo Público de Emprego de Galicia nos códigos seguintes: 320 (Escola taller programas), 330 (Casa de Oficio), 340 “Obradoiros de emprego”; ou 370 “Outros programas de formación de emprego, formación dual” e cumprir cos requisitos de formación necesarios para o acceso a certificados de nivel 2

O alumnado seleccionado percibirá o salario mínimo interprofesional durante todo o período de formación.

Toda a información sobre o proceso estará a dispor das persoas interesadas nas oficinas municipais.